【分秒难离】打雷姐鳄鱼老公全家飞新加坡

美国创作天后「打雷姐」Lana Del Rey 爱得火热，一分一秒都离唔开老公！Lana Del Rey接到商演需要远赴东南亚，而不想和老公Jeremy Dufrene异地恋的她，直接一口气携上老公全家，坐私人飞机赴新加坡享受全家旅行！

■ 打雷姐私人飞机「打包」老公全家

当地时间10月9日，Lana Del Rey 被拍到前往洛杉矶机场，准备搭私人飞机前往新加坡参加F1新加坡赛后演唱会。不过今次远行，Lana并唔係只身赴会，而係实行「全家总动员」，带埋新婚丈夫 Jeremy Dufrene 同埋佢嘅三名子女（Dillon、Conner同Kadence）一齐登机，温馨出国，宁愿带齐全家都唔愿意同老公分开片刻！

今次Lana Del Rey远赴新加坡，係为了于10月11日喺F1新加坡大奖赛嘅Padang舞台迎来佢嘅新加坡首演，同场表演嘉宾仲有The Killers、Janet Jackson、Zara Larsson等重磅阵容。不过对Lana嚟讲，工作再忙亦唔及陪老公重要，实行「工作不忘拍拖」。

■ 连《GTA 6》都要带老公一起入驻

事实上，呢位「鳄鱼老公」喺 Lana 心中地位极高。除咗日常爱得贴地之外，两人近日仲被爆出将齐齐加盟备受期待嘅电玩巨作《GTA 6》（Grand Theft Auto VI，预计2026年11月19日推出）。

Lana喺游戏中将会为Back Country Radio嘅乡村音乐DJ「Delta Dawne」配音，而老公Jeremy亦夫凭妻贵，喺游戏入面「本色演出」，为沼泽记者兼风扇艇船长「Mud Dog Mike」配音！

打雷姐对老公真係分秒难离，由现实生活嘅私人飞机到虚拟世界嘅电玩游戏都实行「妇唱夫随」，爱得咁痴缠，真係羡煞旁人！