▪️森林領隊佳士拿個人六次喺英超帶隊對艾瑪利嘅維拉，取得四勝兩和保持不敗嘅成績。

伊戈捷西斯奠定勝局，基比斯韋特表現幾搶鏡。離開車路士嘅戴納，就貢獻一個遠射入波。

▪️熱刺喺近140場英超主場賽事首次和波，開季至今一勝難求，依然未能夠取得入波，埋門質素欠佳係關鍵。

下半場愛華頓進攻更加入肉，杜斯貝利荷爾同賓倫莊遜締造積極威脅嘅埋門，不過就唔中目標。

▪️車路士今季頭三仗比賽都喺比賽開波嘅5分鐘之內有進帳，只不過對陣侯城就稍微遲咗些少，進攻三叉戟依然威力不減。夏圖嘅犯錯造就對方將比數追和，幸好下半場祖奧柏度攻入個人今季第三個入波協助球隊主場擰番一分。

侯城繼續有相當唔錯嘅演出，清白之身告破後，英超20隊波全部都有失波紀錄。

▪️週六壓軸出場嘅阿仙奴取得自2004年三月份以來最長嘅連勝紀錄（跨季）- 9連勝。拉耶成功救出拉菲爾（Enzo Le Fée）處理嘅十二碼。般奴基瑪利斯後備入替替「兵工廠」入靚波打開僵局；沙加補時階段射入十二碼奠定勝局。

辛德蘭防守部署做得好好，相當緊密。喺下半場嘅埋門都好有威脅，但就冇辦法逃過拉耶嘅十指關。

英超第4週賽事賽果-利物浦0-0 富咸水晶宮2-3 葉士域治般尼茅夫2-2 賓福特車路士2-2 侯城阿士東維拉1-2 諾定咸森林托定咸熱刺0-0 愛華頓辛德蘭0-2 阿仙奴高雲地利🆚白禮頓（稍後時間進行）曼聯🆚曼城列斯聯🆚紐卡素

EPL車路士阿仙奴