【On.cc】周志康11歲大女坐陳旭培大腿　網民怒轟冇邊界感

無綫歌唱節目《中年好聲音4》最新一集中，歌手周志康、陳旭培及鄭仲豪無緣晉級7強，周志康被淘汱令觀眾最不捨，愛妻更帶埋兩個囡囡去到現場為老公作陪伴，全場哭成淚人，場面感人。惟尋日（18日）周志康搞粉絲見面會，當其接受訪問時，周志康兩位千金就坐喺戰友腿上，有網民見11歲大女坐陳旭培大髀，即大感不妥，認為大女已經係少女唔係小孩，唔應坐喺成年男士腿上：「志康個大女都11歲，咁大個女仲坐喺旭培上面，真係冇避忌？」同時有網民指不論女生幾歲，都唔應該坐異性大腿：「其實幾多歲都唔應該坐異性大髀」、「其實不分男或女，都要有邊界感，親人都要分 更何況係沒有關係的」引發爭議。

周志康於《中年好聲音4》7強止步。

周志康受大批觀眾愛戴，獲大呼唔捨得。

周志康搞粉絲見面會，11歲大女坐咗喺陳旭培（前排左二）大髀。

網友見到呢一幕即刻嬲晒，大呼男女授受不親。

網友直斥毫無避忌。

網友認為男女不分年齡都要有邊界感。