選秀終於結束，究竟是否選秀大年，「四皇」最後又能否打出身價，都待時間證明，但可以肯定，更多球隊已改變模式，比起以往注重潛力，當今更看重即戰力，就算係以往嘅大齡新人，只要能「即插即用」，就算已23甚至24歲，都不介意。

NCAA早改變咗玩法，NIL俾更多球員不必再急於進入NBA，加上NBA球隊當今要求極高，如未能達到要求，隨時棄用，慢慢亦影響咗大學球員嘅想法。假若擰不到高人工，或者係只能靠一張雙向合約生存，咁倒不如多打兩年NCAA。

正因今年係大年，可以話係前30名都有唔錯嘅實力，所以各隊亦針對補強，變相令競爭更激烈。而趁此機會，亦有更多球隊開始調整陣容，去除唔啱用嘅球員，甚至送上選秀籤，先後有蘭杜（Julius Randle）同伊西亞史超活（Isaiah Stewart），最新就係黃蜂嘅拉美路波爾（LaMelo Ball）亦有機會被送走，新東家估計不離速龍或木狼，呢D喺以往根本唔可能發生嘅事，將繼續衝擊我哋思維。如果綠軍亦大變，真係絕對唔會詫異。

文章擇自- 仙道彬手記🏀