▪️阿士東維拉肯定可以出席來季嘅歐聯賽事！羅渣士同麥真恩各自入靚波，加上屈堅斯梅開二度，佢哋喺今場無論球員狀態、戰意抑或戰術執行力都遠勝對手。

抽起咗域斯，索保斯拿爾同卻迪斯鐘斯都推前一格，用祖高美斯擔任正選右閘。利物浦無論喺4後衛撤換到3後衛都未見有太大起色，防守漏洞百出，攻擊端無太多入肉嘅威脅。下半場變陣後俾維拉有更加多嘅反擊空間。雲戴克梅開二度；索保斯拿爾跣腳送禮；干拿迪下半場中段開始同對方球員有唔少拗撬，比賽情緒確實有唔少改善地方。

▪️曼聯今季最後一個主場賽事，亦都係卡些美路嘅主場謝幕戰。賽前卡域克「轉正」獲得條款合約，幾令球迷期待佢接落來嘅表現。路基梳亞獲得開齋入波；般奴費蘭迪斯就貢獻個人單季第20次助攻，追和前輩亨利以及奇雲迪布尼嘅紀錄，且好大機會喺最後一戰打破。紅魔此戰過後，亦都鎖定今季嘅聯賽季軍位置。

▪️白禮頓同列斯聯各自有唔少機會，但係都一一錯失。令人意想不到嘅係傷停補時階段，一直穩穩陣陣嘅雲希格（Jan Paul van Hecke）「派膠」- 自殺式回傳，卡華特利雲笑納射入第14個聯賽入波。輸波嘅白禮頓能夠取得來季歐洲賽事資格，要睇埋最後一週先見分曉。

▪️急切需要三分嘅韋斯咸遇上爭取歐洲賽事資格嘅紐卡素，後者主場氣勢完全蓋過前者。荷爾回歸左閘位置；禾達美迪攻入個人今季嘅第8個入波；繼續擔任正前嘅奧蘇拿就梅開二度。

韋斯咸喺三後衛同四後衛之間做出嘗試，但都係未能夠改變戰局。卡斯泰蘭奴斯下半場射入世界波，算係一個安慰。輸波嘅「錘仔」變得相當被動，若果後日凌晨熱刺能夠喺車路士身上攞到分數，咁佢哋降班嘅機率就會被無限放大。

英超第37週賽事賽果-阿士東維拉4-2 利物浦曼聯3-2 諾定咸森林愛華頓1-3 辛德蘭賓福特2-2 水晶宮狼隊1-1 富咸列斯聯1-0 白禮頓紐卡素3-1 韋斯咸阿仙奴🆚般尼（稍後時間進行）般尼茅夫🆚曼城車路士🆚托定咸熱刺

EPL維拉曼聯 🏴󠁧󠁢󠁥󠁮󠁧󠁿