葉士域治同布力般流浪各自贏得咗一場至關重要嘅賽事。急需三分鞏固番榜眼位置嘅葉士域治作客查爾頓開波即失球，令唔少球迷飽受「驚風散」，幸好及時收復失地，最終險勝過關。目前依然踢少場嘅佢哋同米禾爾同積79分，以較佳得失球差重返次席。29號同修咸頓嘅補賽，或將決定最終第二個直接升班名額歸宿。

「日本孖寶」大橋 祐紀（Yuki Ohashi）同森下 龍矢（Ryoya Morishita）聯手泡製三粒入波，協助球隊作客擊敗錫菲聯。領隊米高奧尼爾（Michael O'Neill）完成使命，帶領球隊「抵達」安全線，正式宣告護級成功。

英冠第44週賽事賽果-諾域治2-1 打比郡修咸頓2-2 比士篤城史篤城1-3 米禾爾西布朗3-0 屈福特牛津聯0-1 域斯咸昆士柏流浪1-2 史雲斯李斯特城2-2 侯城高雲地利5-1 樸切茅夫錫菲聯1-3 布力般流浪伯明翰城2-1 普雷斯頓查爾頓1-2 葉士域治米杜士堡1-0 錫週三

EFL 🏴󠁧󠁢󠁥󠁮󠁧󠁿葉士域治布力般流浪