自1966/67球季以來，高雲地利事隔59年再奪英格蘭次級聯賽錦標！今日凌晨嘅英冠賽事，佢哋主場5-1大勝樸切茅夫，倒數兩週嘅情況下領先第二名嘅米禾爾10分以及踢少兩場嘅葉士域治13分（贏足都係得82分），提前鎖定本季嘅聯賽冠軍獎盃，領隊林柏特功不可沒。

至於米禾爾似乎已經做曬力所能及嘅事，作客擊敗史篤城，賽後領先葉士域治3分，能夠保住第二名嘅位置就要睇今晚深夜查爾頓嘅表現嘞。

侯城再度失分，域斯咸喺擊敗牛津聯之後終於爬返上第六位（淨勝球多前者3粒）。嚟緊兩週佢嘅對手係高雲地利以及米杜士堡，至於侯城方面就需要作客查爾頓以及主場迎戰諾域治。至於今場只能過同侯城賽和嘅李斯特城，賽後落後21位嘅布力般7分，篤定護級失敗。呢支2015/16球季英超冠軍球隊，正式宣佈來季降落英甲作賽。

英冠第44週賽事賽果-諾域治2-1 打比郡修咸頓2-2 比士篤城史篤城1-3 米禾爾西布朗3-0 屈福特牛津聯0-1 域斯咸昆士柏流浪1-2 史雲斯李斯特城2-2 侯城高雲地利5-1 樸切茅夫錫菲聯🆚布力般流浪（稍後時間進行）伯明翰城🆚普雷斯頓查爾頓🆚葉士域治米杜士堡🆚錫週三

EFL 🏴󠁧󠁢󠁥󠁮󠁧󠁿