雙方今季嘅第四次交手，前三次國際米蘭取得兩勝一和，首回合就互交白卷。

國際米蘭有5個位置輪換，但整體發揮欠奉，最後嘅勝仗亦缺乏說服力。部份球員狀態明顯跌watt比較嚴重，當中包括施連斯基、奧古斯圖、艾卡比以及巴里拉，前者嘅致命回傳更加造成第二粒失波。查漢奴古同後備入替嘅蘇錫成為比賽轉折點，還有作出5次成功封阻嘅祖薛馬天尼斯，可以講呢三位球員合力泡製呢場勝仗並協助球隊殺入決賽。查漢奴古全場有6次埋門4次中目標，入2粒同1次助攻，傳球成功率去到九成（90/101次），賽後評分9.2分，MOM當之無愧。

科莫入局更早，巴圖連拿（Martin Baturina）同達昆夏（Lucas Da Cunha）都有出色嘅表現，尼高柏斯就貢獻咗1次助攻。甘普夫上半場有一次頭槌攻門中楣，相當可惜；尾段守門員嘅畢迪斯（Jean Butez）都衝埋入禁區搏機會，可惜無功而返。

Coppa Italia 🇮🇹🏆國際米蘭3-2 科莫2nd Leg