武里南嘅第一粒失波有點唔好彩，又或者講艾阿利嘅入波多點運氣成份，左閘伊哥高美斯（Igor Gomes）嘅頭槌中柱反彈到蘇積（Peter Žulj）身上變烏龍波。佢哋嘅死球同頭槌優勢都較明顯，伊沙杜拉希（Saeid Ezatolahi） 攻入嘅第二粒同樣來自高空波。左翼施薩（Yuri César）嘅速度令武里南後防相當吃力；巴西中堅利蘭（Rennan）貢獻一個入波一個助攻，表現最好；華倫西亞出身，踢過布拉加、拉科魯尼亞嘅阿根廷中場卡達比亞（Federico Nicolas Cartabia）喺加時尾聲嘅高位逼搶成功攔截，促使對手最後得翻十人應戰。

武里南喺大部分時間都唔算太輸蝕，包括傳控、進攻威脅都喺對手之上，但係埋門機會就不足。球員有唔錯嘅耐性同韌性，蘇積「戴罪立功」為球隊一度追和比數，惜未能再進一步。

四強全部誕生，嚟緊嘅準決賽對決，神戶勝利之船會對陣艾阿里，而町田澤維亞將會迎戰艾阿利，睇下有冇機會J聯賽聚首決賽？！

亞冠精英賽1/4決賽賽事賽果-🇶🇦艾薩特3-3（pen：4-5）神戶勝利之船🇯🇵🇸🇦艾阿里2-1 柔佛DT🇲🇾🇯🇵町田澤維亞1-0 艾伊蒂夏德🇸🇦🇹🇭武里南2-2（et：0-1）艾阿利🇦🇪

AFC Champions League Elite亞冠精英賽