改制後首次打破西強東弱嘅局面，兩屆亞冠冠軍艾伊蒂夏德迎戰👊日本新貴町田澤維亞。雙方各自上演半場show，町田喺上半場更加積極主動，澳大利亞外援泰迪恩基（Tete Yengi）係表現最好嘅一位，佢嘅入波亦都成為贏波晉級嘅主要因素。

艾伊蒂夏德喺下半場大肆反擊，不過埋門就欠缺點運氣（有兩球中柱），丹尼路嘅入球經VAR核實亦以手球在先被判無效。

較早時間出場衛冕嘅艾阿里面對「大馬之光」柔佛DT，「客隊」反客為主先拔頭籌。柔佛DT嘅攻勢基本分佈喺上半場以及下半場嘅尾段，表現較好嘅係菲律賓右翼亞里巴斯（Oscar Arribas）。

擺烏龍嘅艾阿里右閘馬積拉斯（Ali Majrashi）上半場倒掛危險動作被逐，賽後同柔佛DT射手麥些度施華（Jairo de Macedo da Silva）並列全場最低評分。踢少個嘅艾阿里反而有個別球員提高咗戰意，巴西中場加蘭奴（Wenderson Galeno）係表現最好嘅一位，貢獻1球1助攻，其次係科特迪瓦嘅基斯（Franck Kessié）。

嚟緊準決賽，神戶勝利之船將會對戰艾阿里，而町田澤維亞將會對陣武里南同艾阿利嘅勝方。

亞冠精英賽1/4決賽賽事賽果-🇶🇦艾薩特3-3（pen：4-5）神戶勝利之船🇯🇵🇸🇦艾阿里2-1 柔佛DT🇲🇾🇯🇵町田澤維亞1-0 艾伊蒂夏德🇸🇦🇹🇭武里南🆚艾阿利🇦🇪（稍後時間進行）

AFC Champions League Elite亞冠精英賽